快將搬家啦！我要快快沽清雪櫃入面嘅醬料 ? 其實唔知清唔清得哂 ? 呢樽藍象羅勒醬( #HolyBasil)真係好好用，最啱用來快炒，懶人居家必備 ?
?點樣揀靚蜆/花蛤(甲)？當然唔可以續隻揀，檔主一定趕走你 ?
1. 首先望下佢啲水乾唔乾淨
2. 殼要完整唔爆裂，爆即係死左
3. 蜆會識外露噴水嘅，輕輕碰下就縮，呢啲蜆通常冇沙或好少好少沙
以上三點即係新鮮蜆！買啦！通常兩個人食都會食到斤半 ?
? 蜆：殼有坑紋，但未必每隻色紋一樣；肉薄，味道較清，價錢亦較平，通常用來快炒
? 花蛤(甲)：殼滑身，肉厚，十分鮮甜，用來清酒煮、蒸水蛋一流 ?
? 沙白：呢個係我嘅至愛！鮮甜肉嫩 ? 用來炒或放湯都超級正！不過唔係成日有 ? (早前我出過一個粉絲煲就係用沙白❤)
??仲有最重要嘅野，吐沙！一般早上買左嘅蜆，唔好洗，原包咁放入雪櫃正常格，煮之前一個鐘，先好攞出來吐沙 (用冷水，蓋過蜆，加入鹽1湯匙，輕輕拌勻，加個不透光嘅蓋，唔好騷擾，唔好嘈到佢地，咁自然就吐沙)
如果真係冇沙，可能佢真係好乾淨而冇沙，係海鮮檔水裡已經吐好沙 ? 咁回家只係吐得好少
**以上資料收集，都係我平時去街市口多多，周圍問人嘅結論 ? 你地都可以架，問多句冇壞嘛 ?
**炒好嘅蜆，發現有未開口嘅，千萬唔好食，因為本身已經死左唔新鮮！
